Satu che ’l é mort Guidhino de la Gènia?
Me dhespiaserìe, se ’l fusse mort, par che
’l era un bravo bocia, bon tosat, poaréto!
Ma no ’l é mort, no, ’l é sol tornà da novo
via par le so Inghiltere, adhèsso no so pì ’ndé.
I dhisèa che ’l avèa fat al camerier, ma che
dopo, co ghe é gnést la goia, al ha anca studià.
Ma èrelo qua in Italia, adhèsso, stèelo a Belùn?
Sì, cara, ma ti éritu ’ndé, ti che no t’el ha vist?
Par mi, ’l sarà tornà in Germania a far gelati:
i ha dhit che ghe piasèa e che ’l èra anca
bravét, i ha sempre parlà bén de lu i so paroni.
Mi ghe olèe bén, ma adhèsso chi lo védhe pì,
gneràlo ’lmanco al me funeral, co sarà ora?
Utu che ’l torne da cossì lontan, proprio par ti?
L’importante ’l é sol che lu ’l stae bén adhèsso,
’ndé che ’l é, magari anca se ’l fusse in Russia,
a farghe ’l gelato a Putìn e a tuti i so compari!

PoetaMatusèl legge
DOI COMARE, DOMENEGA DOPO LA MESSA

 Il sottofondo musicale è “La domenica andando alla messa” eseguita da Cenayan

Prezioso Visitatore che mi leggi, un breve commento, anche solo un saluto, non ti costa che un piccolissimo sforzo, però farà un enorme piacere a me, quando lo leggerò! Grazie di cuore!!   :O)

Copyright © 2017 Guido Comin PoetaMatusèl – Belluno, Italy. All rights reserved.

.